يا ذا الزمـن ماعاد للصدق قيمـة
ياذا الزمن ماعاد للصدق قيمه ماعاش بك إلا حرامي ونصاب الذيب خايف والامن للبهيمه والديك صار اليوم يضرب بمخلاب وطالت قصور اعراب من عقب خيمه وصار التطاول فالمباني للاعراب ومن الحسد ماعاد تنشاف غيمه وفوق الثرى ماعاد تنشاف الاعشاب الجار صار اليوم جاره خصيمه مابينهم مسيار والباب بالباب والذل حكمٍ للنفوس الكريمه خربت موازين الحكم والرجا خاب اهل الوفا والطيب عمله قديمه في مجتمعهم مالهم كرت واحساب طفل المهاد اليوم سِمي صتيمه واصبح ضعيف النفس مصدر للاعجاب والمرجله قذله وطله وسيمه وذقنٍ مدوكر واهتمامٍ بالاسلاب تنافس المكياج طوني وميمه ماعاد نفرق بين خفرات واشناب ياسكبةٍ مامن وارها غنيمه لاشابه الرجّال تلعات الارقاب هذي حقايق والحقايق أليمه يقولها اللي شاف ماعاف وانصاب يقولها واللي زعل مايضيمه اللي زعل من حق يشبع من إتراب ياذا الزمن ماعاد للحر قيمه ماعاش بك الا عصافير وغراب |
|
.
. . . أَسْعَدَ اللهُ أَوََقَاتُكُمْ بِكُلُّ خَيْرٍ.. دَائِمَا تَبْهَرُونَا بَمَوٍآضيعكم الَّتِي تَفُوٍح مِنْهَا عِطْرَ الْإِبْدَاعِ وَالتَّمَيُّزِ ، لَكَم الشُّكْرُ مِنْ كُلُّ قَلْبِيٍّ . http://media.tumblr.com/tumblr_m2t0tlS78c1qbs47q.gif |
سلمت يداك وماقدمت من عذوبة
لك كل تقدير يليق والشكر بلا انتهاء |
الساعة الآن 03:18 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يتسخدم منتجات Weblanca.com
HêĽм √ 3.1 BY: ! ωαнαм ! © 2010
Developed By Marco Mamdouh
new notificatio by 9adq_ala7sas