وقال قاسية..وجبارة! // أحلام المصري

،، وقال قاسية..وجبارة.. // أحلام المصري ،،

،

،



بتكتب غنوة تهجيني،

بتسب حبي

وسنيني..

والا جاي تفكّرْني

وتنادي

حنيني!



افتح فونك ولابك..

وشوف كام مرة

دق بابك،

سهرت أنادي طيف قاسي

ولا مرة جاني جوابك!



دلوقتي بقيت قاسية!

بعت ايامك وناسية؟

دلوقتي بتقول فاكر..

ومتعذب وأنا ماشية!



طيب ما نحكي من تاني

الحكاية..

بس من اولها

للنهاية

من غير مونتاج وتقطيع..

وشوف مين فينا كان شاري

ومين أستاذ ف البيع!



عموما يا قاسي

بطبعك،

انت ناسي

ودا طبعك

وأنا فعلا

دلوقتي.. بقيت

قاسية وناسية وجبارة

واخدة قراري

مش محتارة...

بحكم في أمر نفسي

وليا امارة...

الموضوع الأصلي: وقال قاسية..وجبارة! // أحلام المصري || الكاتب: أحلام المصري || المصدر: منتدى امسيات

المهره معجب بهذا

المصدر: منتدى امسيات - من قسم: ♞صَهيــــــــــلْ

من مواضيع

• وتلك القبلة! // أحلام المصري
• كمجنون! // أحلام المصري
• حرقة..// أحلام المصري
• جرامافون.. // أحلام المصري
• من غيرك! // أحلام المصري
• في معرضِ الكتاب! // أحلام المصري
• تدليس.. // أحلام المصري
• حكاية! // أحلام المصري
• أحزان! // أحلام المصري
• قلبي لما يتكلم // أحلام المصري