مولد ،،/أحلام المصري

،، مولد ،،

املا سطورك و لوّن ياللا
اكتب..ارسم..كله على الله
اوعى ف مرة تنسى اللازمة
تبقى كتابتك و لا ليها لازمة
ياللا يا شاعر...ياللا يا كاتب
املا و زيّن نفس القالب..
خلّي الخايب يبقى امام
خلّي الصادق يبقى الكاذب
و الْحَق ركّب دقن و عِمّة
أصلها زايطة...هيصة و لمّة
عصر القرش و الدينار
عصر السبع يخاف صرصار
اجمع و اقسم ع الشطار
و اطرح و اضرب قلب الأمة
ارمي بياضك بس بـ كلمة
تشعلل نار قلب الأزمة
ياللا بـ سرعة يا شاطر ياللا
الحق درورك...اعمل همّة
تورتة كبيرة...تحب اللّمة
اوعى يا واد ألاقيك محتار
دا انت ربيع الحرف الذهبي
دا انت بقيت فينا المختار
لمّع حرفك...و ابري سنانك..
و ادبح ياللا ...وقت استنفار




مهداة إلى كل من يخون القلم...

الموضوع الأصلي: مولد ،،/أحلام المصري || الكاتب: أحلام المصري || المصدر: منتدى امسيات

المهره معجب بهذا

المصدر: منتدى امسيات - من قسم: ♞صَهيــــــــــلْ

من مواضيع

• ،، على أرصفة الشتاء // أحلام المصري ،،
• قلبي لما يتكلم // أحلام المصري
• كنت بشتاق ...// أحلام المصري
• تضليلٌ إعلامي
• من غيرك! // أحلام المصري
• جرامافون.. // أحلام المصري
• وقال قاسية..وجبارة! // أحلام المصري
• ،، مناورةُ الصمت! // أحلام المصري،،
• حرقة..// أحلام المصري
• في معرضِ الكتاب! // أحلام المصري