من غيرك! // أحلام المصري

،، من غيرك! // أحلام المصري ،،
،
،
،



من غيرك...!


من غيرك لسة قلبي بيدق،
لسة روحي عايشة
وبتغني
لسة الندى بيبوس الورد في الصبح
والف فراشة بتبعتر الالوان،
والطير رايح وجاي
متهني!

من غيرك..
لسة النيل كما هو،
كريم وقلبه شهد
صافي
لسة غيط ابويا بيطرح قمحنا الذهبي
والقمر في ليل الحصاد،
عاشق بالهوى
متعافي

من غيرك..
لسّاني انا الطفلة الجميلة
تعشق خطوتي نوارس هاجرت
من زمن الحواديت
لزمن قلبي الطيب
الوافي
ولسة في قلبي قدرة
ونبض كتير
بيرقص على نغمة كروان
صحا من نومه،
ومش غافي

من غيرك..
لسة القصايد تجيني،
لسة الشعر يهواني،
ولسّاني بعرف اكتب
كتيرة حواديت الغرام،
وياه!
كم صعب الكلام..
لكني لسة بريئة..
ورغم الجرح القديم،
والالام
ما عرفتش في يوم..
اكذب!

من غيرك لسة حلوة الحياة،
لسة بتزورني في منامي
أحلام
ولسة أنا في المراية
عارفاني
كما أنا..
وحبّاني
أنا الأحلام...
،
،

الموضوع الأصلي: من غيرك! // أحلام المصري || الكاتب: أحلام المصري || المصدر: منتدى امسيات

المهره معجب بهذا

المصدر: منتدى امسيات - من قسم: ♞صَهيــــــــــلْ

من مواضيع

• مولد ،،/أحلام المصري
• نظرة في دراما رمضان // رصدٌ أم ترصد!
• كما القهوة.. // أحلام المصري
• حرقة..// أحلام المصري
• تدليس.. // أحلام المصري
• مراجعات سينيمائية // أحلام المصري
• براءةُ حلم // أحلام المصري
• ،، أنا مش آسف لحد..// أحلام المصري ،،
• و تأكل الأفكار نبضي // أحلام المصري
• قلبي لما يتكلم // أحلام المصري