الأنتوريوم Anthurium Andreanum

أوسـمـتـي · #1 04-12-2024, 02:56 PM

الأنتوريوم هو نبات داخلي مزهر موطنه الاصلي الاكوادور و كلومبيا بيحب الاماكن الظل الحارة و هو اضافة ممتازة في البيت لان زهوره شمعية معمرة بتقعد فترات طويلة و مكان ممتاز ليه علي ترابيزة او مكتب.

الضوء:
بتحب الضوء الساطع علي قدر الامكان بس مش شمس مباشرة, الضوء لما بيكون ضعيف بتنتج ورد ضعيف و بتبقي رفيعة و اوراقها بتمط.

الري:
بتحب التربة مبلولة دايما ارويها لما اول 1 سم ينشف, الري الزائد بيسبب اطراف صفرا و لما تنشف زيادة اطرافها بتنشف.

التسميد:
سمدها كل شهر مرة.

درجة الحرارة:
اعلي من 16 درجات.

الرطوبة:
بتحب الرطوبة كل ما تديها رطوبة هاتكون مبسوطة اكتر ممكن تبخها كل فترة.

الأنتوريوم anthurium Andreanum
الأنتوريوم anthurium Andreanum
الأزهار:
قص الازهار الباهتة و الميتة اول ما يظهروا.

الحشرات:
مع رعاية غلط النبات عرضة لحشرات المن لازم تاخد بالك كل مرة تيجي تسقيها.

التربة:
عايزة تربة متهوية كويس عشان ميحصلش عفن التربة المطروحة علي الموقع كويسة.

القصرية:
بتحب القصرية الصغيرة و التكدس الجذور اتأكد ان الجذور اخدت شكل القصرية قبل ما تنفلها في جديدة.

التقليم:
قص اي ودر او ورق ميت اول باول.

التكاثر:
بالفروع او بالخلفات.

فترة الأستراحة:
في الشتاء و درجة الحرارة القليلة.

السمية:
سامة جدا ابعدها عن الاطفال و الحيوانات الأليفة.

مشاكل و حلها:
أوراق صفرا:
ري زيادة او سماد زيادة او الجو برد

أوراق بني:
ري قليل او رطوبة قليلة او الضوء زيادة عن المطلوب.

مفيش ورد:
لازم ترجع للري و الاضاءة و التسميد و تتأكد من الخطوات البتعملها.

الموضوع الأصلي: الأنتوريوم Anthurium Andreanum || الكاتب: بْحھَہّ عِشّق || المصدر: منتدى امسيات

نورة معجب بهذا

المصدر: منتدى امسيات - من قسم: عالم الحيوانات والنباتات

إعلانات المنتدى

أمـسـيـاتـ